Kum 1923 ah Chin miphun holh kong he pehtlai in May myo mirang cozah nih tonbiaruahnak an tuah. Cuka ahhin Laizo holh kha an rak thim. Zeicatiah Hakha ramuk bawi nih hruaimi (Hakha, Thantlang, Zotung,Senthang peng lei vialte) hna nih mirang cozah cu an rak doh hna. Zophei khua pawngah mirang ralbawi Major Burn le a ralkap hna cu an rak kah hna. Major Burn cu a baan an hliamh i, a kut a bul. Cu thok in Major Burn nih Hakha le Thantlang peng cu a huat hna.
Cucaah Maymyo ah Lairam ca cawn ding kong he pehtlai in an rak i caih lio ah, Hakha Laica hi an timhtuah nain, mirang ralbawi Major Burn nih a rak duh lo. "Ka kut bul kakin a ka kaptu ca hi ka duh lo a ti caah, Falam ca siseh an ti. Asinain Tedim siangbawi J.Cope a lungtling ve lo caah Tedim lei ah Kamhau ca, Falam ah Laizo ca, Hakha, Thangtlang Matupi ah Laica an rak cawng than.
Major Burn nih Lai holh le Laica a duh lo caah Radio thawngthannak ah Laizo holh cu hman lan a si. Cuticun kum 1958 February 15 ah Chin holh in thawngthannak caah Laizo holh an rak hman than. Lai holh hman dingin a rak i zuam ve ko nain, Kawl cozah nih mirang cozah lio hmancia mi in kal ding biachahnak an tuah zungzal.
Kum 1998 ah Khin Ngyunt sinah Chin holh caah Laizo holh in TV chimnak cu Lai holh in thlen dingin an rak hal nain a duh lo. Kum 2010-2015 U Thein Sein cozah chan ah TV program cu Laizo holh in Laiholh ah thlen dingin an rak hal nain a duh thaimthiam lo.
No comments:
Post a Comment