Na Thlacam A Tluang Lai

1 Peter (3: 7)- Nannih patung hna nan nupi le he nan um tikah, annih cu a der deuh mi an si kha philh hlah u. Cucaah bia nan chimh hna tikah hmaizah tein nan chimh hna lai ii Pathian pekmi laksawng nunnak c uannih zong nih an co khawh ve lai. Hi bantuk hin um uh law zeihmanh nih nan thlacamnak kha hna a hnawh kho lai lo. 

Mikip nih kan thlacam hi thluang seh ti kan duh. Kan thlacamnak hi hmual ngei seh, thawnnak um seh ti kan duh. Minung kan thlacamnak le mi dang kan pehtlaih ning hna cungah pehtlaihnak an ngei. Bible chungah kan hmuh mi cu mi tha mi hna thlacamnak cu hmual a ngei tiah kan hmuh. Thlacam kan thawng tuk ko nain, midang kha upatnak, dawtnak he kan

Nithum Chungah Minung 95 Singapore Ram Chungah Tlaih An Tong

22nd January 2018 in 24 January 2018 karlakah Singapore Police nih an ram chung mi ah minung 95 an tlaih hna.  Pa 63 le nu 32 an si an si tiah theih a si. Cu hna cu cozah sinah tangka mi va cawihnak laisen ngei loin a thli tein tangka mi a cawih mi an si. A karh tam pipi an lak hna lawng siloin, mi cheu cu thihphaih hna an hmang. Singapore ah laisen ngei loin zei hmanh tuahtuan khawh a si lo bantukin police nih nithum chung thianhnak an tuah ii minung 95 cu an tlaih hna.

Singapore Flyer Cu An Dinhter Chung

Singapore Marina Bay Sand pawng ah a um mi Flyer cu 25 Jan 2018 (nili ni) setlei rawhralhnak a chuah caah an dinh ter chung. A cit lio mi minung 61 hna cu an i cit lio ah an tum ter hna tiah Yahoo news nih a langhter. 

4th December 2008 lio zongah nikhua chiat ruangah Flyer aa cit mi minung 70 hna cu suimilam 5 chung a hren hna. 

Cu hnu tlawmpal ah Switch Room ah mei kanghnak a chuah caah minung 173 hna cu suimilam 6 chung a rak hren rih hna. Cu lio ahcun thla 1 leng ong loin an chiah. 

Kan Bia Chim Mi Thlennak In Kan Nunnak Thleng Usih!

Phungtlukbia (4:23-24)- " Na lung kha veng tuah, zeicatiah cuka cun nunnak cerhti a put. Hrokhrawl bia cu na kaa chungin chuahter hna hlah law, depdetnak bia cu hlawdiam ko hna. "

Minung nih kan hmurka in a chuak bia hi kan i ralrin ngaingai a herh. Kan bia cu sersiam khawhnak thazang a ngei, hrawhkhawhnak thazang a ngei fawn. Kan nunnak cungah biachia lawngte kan chim tikah, kan nunnak nih a donghnak i a zun mi cu chiatnak le sunghnak an si ko lai. Cu bantuk thiamthiam in kan nunnak cungah teinak le bia tha lawng te kan chim tikah, kan nunnak nih zuun mi thluachuahnak le hlawhtlinnak an si. Cu thluachuahnak cu kanmah lawng siloin, kan pawngkam ah a um mi hna zong nih an co ve. 

Kan thinlung chung ah ruahnak tha lo hna hmunhma pe in, kan hmurka in kan chim awk a si lo. Zumh lo nak le lunghrinhnak a khat mi bia tha lo hna cu kan chim awk an si lo. Ruahchannak le lawmhnak a phurtu bia chim kan i thim awk a si. Na chunmang le na hmuh chung mi thil kong hna chim ko. Jesuh thawng in zeizong vialte ka tuah khawh ko tiah, thang piin chim. Teitu ka si tiah chim ko. 

Harnak caan chungah ka um tiah naa ruah tikah, a hmasat bik na ruahnak chungin a rakchuak mi thil kong kha chim rih hlah. Chikkhat te von i din hna law, na intuarnak thinlung daihter i zuam hmasat. Cu na ruahnak hna von fun khawh i zuam than. Thluachuak bia le bia tha hna na hmurka in na chim tikah Pathian nih na ral cu an tei piak lai. Zuamcawhnak na ton mi vialte cung ah hlawhtlinnak an pek lai ii, Amah nih an chiahpiak mi thluachuah vialte zong co ter na si lai. 

# Bia tha lawng chim khawh i zuam.

# Na thinlung hun lio caan ah na ruahnak chungah a chuak hmasat bik mi bia chim hlah.

# Jesuh min in zeizong vialte kan tuah khawh hna, tiah thangpi in chim.

# Bawipa nih na ral an tukpiak lai. 

# Nangmah cu teitu na si lai. Na thawnnak in a si lai lo. Na fimnak in a si lai lo. Na thiamnak in a si lai lo. Pathian thlarau thawngin a si lai. 

"Bawipa, ka pawngkam ah a um mi vialte caah thluachuak mi ka si ter ko. Bawipa kan nunnak caah bia tha lo a chimtertu ding ka Lei uk khawhnak na pek caah nangmah cu kan thangthat. A rem a tha nunnak hmuh awk ah thla kan cam. Kan chim mi biakip hi thluachuah a petu Nangmah na si lai caah, lunglawmhnak he Khrih Jesuh min thla ka cam".

*************************

KHUATLIRTU - DAL (1)NAK

Tu kum cu kum 40 chungah a kik bik kum a si men lai. England ram chung khuate tampi cu hawhra le khua kik ruangah leng hmanh chuak ngam loin an um hna. Nikhat cu January thla chungah a si. Glasgow-London tlanglawng cu Euston tlanglawng dinhmun ah sumilam 24 tlai ah a rak phan. Hawhra le khuadom hna ruangah tlanglawng kalnak zong ṭih a nung ngaingai ko. Mawṭaw in a kal mi denkhawnnak cu voi dang nakin a lethnih an tam deuh. 

Cu khuasik thla a hun dih i thal caan a hunphak cun khua caan a hun i thleng. Mipi hna tlonlen umkal ning zong a hun i dang ve. London khuapi chungah dinhcaan a laa mi ralkap hna cu angki bantawi tete he a um mi nungak hna he an i tuaitam len ko hna. London khuapi cu zohnak ahcun ral a tu cuahmah mi khuapi zong a lo lo. Mipi hna cu hnangam ngai in an um ko. 

Hope Blood Donor Organization

Hope Blood Donor Organization cu Pu Cung Hu nih kum 2004 ah a rak dirh mi thihlutnak bu a si. Kum 2004 in tukum 2017 tiang pehzulh in rian an ṭuan zungzal. 
Chinram chungah Blood Bank (Thisen chiahnak) kan ngeih lo caah minung in kawl lengmang a si tawn. A caan ah mizaw nih thi a herh lio ah thi hmuh khawh lo ruangah thih cu loin a thi mi minung tampi kan um. Cucaah suimilam 24 chung mizaw zual mi le thihlut a herh mi an um sual ahcun timhcia siding in hi rian cu an thoknak a si.

HUPPHENGTU PATHIAN

Psalm (84:11)- Bawipa cu a kan hupphengtu le a sunglawimi kan siangpahrang a si. Amah nih thluachuah a kan pek ii vel le thangthatnak kan hmuh. A ding mi thil a tuahtu paoh cu thil tha kha pe loin a um hna lo. 

Nihin ah Bawipa sin in zeidah hmuh na duh? 

Daihnak, bawmhnak le lamhruainak hna na herh maw? 

Bawipa nih dinfelnak he rian a tuan mi le thil a tuah mi hna cu thiltha lo vialte chungin a huhphenh hna i, thiltha kha pe loin a um hna lo. 

Minung ka si ii zeitindah Pathian hmai ah miding cu ka si khawh lai? 

A Thuk Mi Bawipa Biathli

Ahohmanh nih an hmuh bal lomi le an thei bal lomi, a si kho lai, tiah ahohmanh nih a ruah in an ruah bal lomi, kha thengte kha Pathian nih amah a dawtu hna ca i a timh mi cu a si. (1 Korin 2: 9) 

Add caption

Minung nih aho sinah kan biathli kan phuan tawn? Mi tampi nih kanmah he naihniam bik in a um mi hna sinah kan biathli cu kan phuan tawn. Ka zumh cikcek mi minung sinah kan biathli cu kan phuan tawn. Mi kip nih kan tuah lengmang mi a si. 

Bawipa nih a biathli cu aho sinah ahdah a phuan? Hi kong ruah ahcun minung ruahnak a hngaltu cu ahodah a si? Amah thinlung le thlarau kha a si. Minung nih amah thinlung le a thlarau cu a hleng kho lo. Midang sinah nih an hngalh lomi minung ruahnak cu amah thlarau nih a hngalh dih. Cu bantukin Pathian sining le biathli a theitu cu Amah Pathian thlarau kha a si. Cu thlarau laksawng cu kan nih pek kan si. Cu thlarau cu kan thinlung le kan ruahnak cu Pathian nih a kan pek mi a si. Cu thlarau nih Pathian biathli cu a kan hngalh ter. 

Bawipa nih zeitindah an hmuh timi theihter an duh. Bawipa nih na caah an tinhpiak mi theihter an duh. Bawipa na hmuh bal lomi thil hmuh ter an duh. Na theih bal lomi thil theih bal lomi le a ruah in na ruah bal lomi thil hna hmuhter an duh.   Jesuh khrih ah zumtu kan sinak ah, Khrih i a fa kan si, a hawikom zong kan si. Amah he a naihniam mi hawikom ah Jesuh nih ser an duh. Biaruah an duh, a thilti khawhnak hrawm an duh.  

Bawipa ruahnak le biathli hna cu Amah he pumkhat kan si hnu ah cun kan theih khawh cang. Kan thinlung innka onpiak usih law, nihin ah a kan chimh ding mi a biathli cu theih khawh i zuam usih.  

" Van khua a um mi kan pa, hawikomtha bik ah na ka ser caah kaa lawm. Nangmah he pehtlaihnak ka ngeih caah kaa lawm. Na biathli le na duhnak ka hrawm ve dingin kan sawm. Zeizong vialte hi Jesuh min in na kut ah kan chanh. Amen! " 

**********

Invest le Trade Aa Dan Ning

# Investment cu zeidah a si? 

# Trade cu zeidah a si?

Mi tampi nih hiti hin kan leh lai tiah ka zumh.

## Investment cu tangka a miak hmuh dingah tangka hram kan bunh mi poahpoah kha an si.

## Trade cu hmundang thil kha lakin a dang hmun ah; thil pakhat khat or tangka he tlen/zuar, tiah kan ti men lai.

# Biahal awk a um mi cu ziah Trading tuahnak in tangka miak kan hmuh thiamthiam ahcun cucu investment phunkhat a si ve ko lo maw?

Sihmanhsehlaw, Investment le Trade karlak te ah a dang mi te sining a um. Cucu a tanglei bantuk in ka langhter lai.

## Mi pakhat cu caw a cawk. A that i a miak hmuh dingah a sa a zuar. (Trade)

## Mi pakhat nih caw a cawk ve. Asinain a nih cu a that lo; fa ngeihter ii, kum 2 ah pakhat an karh; caw-hnuk a sur ii a zuar. (Invest)

03.Jan.2018
(Wed)

Sianginn or Nulepa Cawnpiaknak: Tangka Caah Riantuantu Si Ding

# Sianginn ah saya/ sayamah te nih caa thiam (academic) le nunzia dawh, zulhphung zulh an kan cawnpiak.

# Nulepa nih caa thiam, academic degree hmuh ii thlawh man a tha mi rian tuan (job secured) an kan cawnpiak. Rian tha kan hmuh ahcun kan nun a nuam deuh lai tiah an ruat.

# Asinain sianginn nih siseh, nulepa tampi nih kan fale kan cawnpiak tik hna ah zeitin tangka hmuh (how to earn) kan cawnpiak hna, zeitindah khawn (how to save), zeitindah invest tuah (how to invest) cu kan cawnpiak hna ti hna lo.

# Academic Education and professional education cu kan i cawnpiak ko nain, financial education lei ah, chungkhar tampi cu kan i cawnpiak lo. Cucaah herhbau in nun caan ah siseh, a hleihluat in ngeih caan ah siseh, nunzia kan thiam lo.

# Ruah lo piin thil pakhat khat vanchiatnak tong usih, ti kan ruah fatin te kan lunhre a thei.

# Tangka kong he pehtlai in, tangka cu riantuantu ah hmang loin, tangka ruah ah nunchung rian kan tuan. Cucu kan education system le kan zatlangbu nih thazang a pek cuahmah mi a si.

3. Jan. 2018
(Wed)

Learn From Experinces (Hmuhtonmi Thil Sinin Cawnnak)

# Kan nunnak lamthluan ah kan hmuh ton mi thil cungah thil dik lomi an chuah tikah, kan cohlan ning aa dang cio lai.

# Phunkhatnak minung pawl cu hramhram in kan palhnak kan i theih ko zongah ka palh hrimhrim lo kan ti.

# Phunhnihnak pawl cu midang sinah mawhphurh ding kan kawl. Amah nih cuti a tuah ruangah a si; amah nih cuti a ka ti ruangah a si; keimah palh si lo, amah palh si ko kan ti.

# Phunthumnak pawl cu reason kan kawl. Cu ti a si ruangah a si a si; cu bantuk/ khi bantuk thil a cang mi ruangah a si kan ti tawn. Justifier kan ti hna lai. Keimah mawh zong a si lo, asinain anmah zong cu bantuk an tuah awk an tuah ve lo tiah a cohlang phun kan um.

# Phunlinak pawl cu: thil an ton mi a dik lomi a um cangka tein, zeidah cawn awk a um? (Whay can I learn from this mess?) tiah an ruat.

# Cu nih cun an khuaruahnak innka a on ter. Zeidah kaa sersiam a herh? (What is my weakness and how could I do to not let happened in future?) tiah anmah cungin thlennak tuah ding an i tim hmasat.

# Kan toncia mi, a dang hmun pakhat ah kan ton than tikah cun zeidah keimah lei chambaunak, remh awk a um hrimhrim ti cu a fiang mi a si.

# Zeibantuk phun chungah dah kan i tel?

#Winner way or Loser way?

06-Jan-2018
(Sat)

Context le Content

# Context cu hrai a si ahcun content cu a chung i kan chiah mi ti bantuk a si.

# Context cu sining a phunphun in a um ko lai. Context cu rawl eining a si ahcun content cu darkeu a si hnga.

# Minung nih kan i harh bik mi cu kan context thlen hi a si.

# Caw-orh in rawl a ei mi nih, caw-keh in rawl ei dingah thlen ding cu kan sia a rem lo ai bantuk khi a si.

# Voi tampi ah content thlen hau loin, context thlen kan herh caan tampi a si. Rawl einak ah zeibantuk darkeu kan hman timi nakin caw-orh hman herh caan ah caw-orh hmanthiam, le caw-keh hman a herh caan caw-keh hmanthiam hi a biapi mi a si.

# Minung nih kan context chungah content khat lakin kan chiah ahcun cu lengin zeithil hmanh cohlanh kan duh lo. A dang cohlanh cia mi zumh mi thil kan ngeih cang hnu ah a dang zumhnak kan context chung i lutter ding cu a fawi lo ngai mi a si. Hrai chungah ti khat lakin kan chiah hnu ah; ti rawnchap a ngah ti lomi bantuk a si.

# Sihmanhsehlaw kan context chungah content kan chiah mi a khat lomi a si ahcun midang ruahnak pek mi siseh, thilthar a chuak mi caah cohlan khawhnak thazang a ngei.

# Context a bi mi cu mi tenau kan ti tawn hna, mi kong an caih. Zaraan hna nih thil a cang mi (event) kong ah a buai. Mi pical nih ruahnak innka kaupi in a on. Ruahnak (Ideas) tampi a rawn khawh.

# Context cu thlam bantuk a si ahcun; content cu a chungah thil kan chiah mi pawl an si. Kan thlam a kau lawngah thiltha tampi kan khawn khawh lai.

# A chel ahcun kan thlam kan thlen a herh. Cucu minung caah a har bik mi a si.

10-Jan-2018

Wed

Tangka Sal In Luatnak Lam

Zeithil poah hi peknak tel loin hmuh mi thil pakhat hmanh a um lo. Ka hmuh duh mi thil cungah man awk pek an ngeih cio. Rumnak kan duh zongah cu bantuk cu a si ve.

# Tangka tampi a ngei mi na vat/ na thit thawngin na rum kho. Sihmanhsehlaw na pek chanh ding mi cu na duh lem lomi nu/pa he na nunchung hmunkhat ah caan hman ding a si. A man a tlawm hrimhrim lomi a si.

# Midang va hlennak, midang thilchuhnak, ningcang loin thil laknak in na rum kho. Rum le thancho zong a rang ngaingai. Sihmanhsehlaw a man na pek ding mi na thinlung zalennak a man na pek a herh. Zeitikdah thong ka tlak lai timi nih na thinlung an temtawn peng lai. Nangmah le mah cungah upatnak na ngeih mi na sungh a herh. Cu lawng siloin cu bantuk minung hna cu vawlei minung kip nih an huat mi a si. Na rum ko lai, sihmanhsehlaw na rumnak cunglei ah calu (Title) an tar mi aa dang lai. An ka theih sual lai tiin na ngeih chiah thilri/innlo cung hmanh ah lawmhbia na chim ngam lai lo. Cucu na nunchung na pekchanh ding mi a si. 

Business Tuahnak Caah Ruahherh Mi

Part 1. Corporate purpose
Part 2. Corporate scope
Part 3. Corporate objectives
Part 4. Projected business environment
Part 5. Corporate strategies
Part 6. Summary of projected business results
Part 7. Product line plans and policies
a. Marketing
b. Processing/distribution
c. Finance
1. Working capital
(a) Overall working capital policy
(b) Cash and marketable securities
(c) Inventory management
(d) Credit policy and receivables management
2. Dividend policy
3. Capital structure policy
4. Financial forecast
(a) Capital budget
(b) Cash budget
(c) Pro forma financial statements
(d) External financing requirements
(e) Financial condition analysis
5. Accounting plan
6. Control plan
d. Administrative and personnel
e. Research and development
f. New products

Leverage

Laitlang khuate nulepa lothlo chungin high-school kainak tiang hi cu vok le arrzuat mi in kai khawh a si ko. Sihmanhsehlaw sianghleiruun (University/College) kum khat kainak man cu high school kan kai chung vialte a dih mi he aa khat. Ka nulepa nih tangka lut mi (Cash flow) an ngeih mi pakhat hmanh a um lo.

Keimah khupṭhi rual ah kan khua mi hna keimah nakin cathiam an tampi ko, sihmanhsehlaw sianghleiruun an kai lo. Fimcawnnak ah leiba an ngei ngam lo. Leiba (debt) ti poahpoah ahhin mi tampi nih a chia mi le ṭih awktlak thil ah kan ruat. Sihmanhsehlaw leiba chia le leiba ṭha (good debt and bad debt) timi a rak um. Cu bantukin tangka hmannak a chia le a ṭha (good expense and bad expense) a rak um. Minung kan nunnak aa dannak cu kan tangka hmannak le kan leiba ngeihnak a chia/ a ṭha cungah aa hngat tawn.

Rumnak le Sifahnak

Rumnak le sifahnak tiah ṭial tikah chim duh mi cu tangka lei rumnak le sifahnak hi kan chim duhnak a si. Rumnak le sifahnak nih anmah harnak an ngeih veve. Kan tangka nih kan duhherh mi a kan zalhpiak khawh lo tikah kan lungre a thei. Cu bantukin tangka a hleihluat le tamtuk a ngei mi hna zong nih zeituahnak an thei lo ii an lung a thei ṭhiamṭhiam ve. 

Voikhat cu Pu Zul nih a ui co tumpi cu lengah a chuah pi. A uico nih zalam cung ii a kal mi mawtaw hna cu a bauh hna ii, seh a timh hna. Cu lio ah Pi Dar nih, “Pu Zul, na uico cu a ka neng tak ve aw, mawtaw cu ka seh kho lai ti bang a boh hnawh i, seh a timh lengmang ve hnga” tiah a ti. Pu Zul nih, “Kei cu cu kongah ka buai lo eh, kei ka buai mi cu pakhat te khi hei seh hnih seh law, zeidah a tuahnak hnga, ti ka ruat deuh eh” tiah a leh.

Arr Ek A Zuar Mi Mirum le Arrsa Kio A Zuar Mi Mirum

Tuluk ram Shandong ramṭhen ah a um mi primary sianginn ah hngakchia bawhkeuh hna he sianginn kai in caa a cawng mi cu kum 35 a si cang mi Chin Zhi a si. Kum a upa tuk ko nain zeiruangah sianginn ah ningzak lo tein ca a cawn ṭhan hnga?

Chin Zhi cu Kansai district ah lo thlo mi nulepa nih an hrin mi fanu a si. Nulepa chim hrinnak tangah felte in khua a sa mi fanu fim zong a si. Kum 5 a si lio ah hringtu a pa nih a thihtaak cang hna. A u nu nih dam lonak in ihkhun cungah a it ko. Hringtu a nu nih an naupa a puak pah in chungkhar nunnak ah caah lo a kal lengmang.

Global Rinpi Group- GRG

(Drafted by Salai Ni Peng Ling)

Vawlei cung hmun ram kipah Pathian nih a kan hruai, a kan phakter cio tikah hi ramkip ah a um mi Rinpi minung hna nih pehtlaihnak kan ngeih lo ahcun kan fale hna chan ahcun Rinpi minung hna kan i kawl kho ti lai lo. Nulepa an nun chung cu pehtlaihnak an ngei kho rih men. Sihmanhsehlaw, chankhat kan liam ahcun kan fale cu Rinpi mi kan si timi an theih tiang lawng kha a si lai. Kan i pehtlaihnak cu a tlau chin thluahmah ko lai.