Unau Dawtnak

Khua pakhat ah unau pahnih an um hna. An nu le an pa nih an thih taak cang hna tikah an unau pahnih nih nulepa roh taak mi lo hmunram cu an co. Unau pahnih an si caah Lo hmun cu i then loin hmunkhat te ah tuanti in a theipar cu i cheuh dingin an lung a tling veve.

Kum khat cu an unau te cun lo an thlo. A theifaang an zun caan a hun phan cang. An lo hma ii a rak chuak mi tirawl cu an unau te in an lungtlin ning te in a cheu veve bakin an i then.



Cu zaan cu a naupa aa hngilh kho lo. A ih buin an lo thlawh mi le an riantuan mi kong a ruat. A thei par an zuun mi a cheu veve an i then ning tiang pakhat hnu pakhat in a hun ruat than.

A naupa nih a ruat mi cu ka unau he kan tuan mi rian ah aa tluk tein kan tuan ko nain ka upa cu nupi le fa he an si. Zeitindah rawl kan i cheu mi cu an i zaat lai? Ka u le a cheu bakin kan i cheuh mi hi ka palh ko. Kei cu tlangval ka si. Ka herhnak a um rih tung lo. A nih cu chungkhar he pei a si cu..... tiah a ruat. Sihmanhsehlaw ka chimh ii ka pek ahcun ka u nih a duh bak lai lo timi a hngalh....

Cuticun a naupa cu zaan tlai ah a tho ii, a facang ruuk chung ii rawl hna cu a chuah ii a u facang chiahnak rawlruuk chung ah a va rawn...Cun a thaizing zaan...tibantukin zaan aa manh caan tete ah a tho ii a u rawlruuk chungah rawl cu a va bur lengmang tawn............

A upa zong a naupa bantukin khua a va ruat ve. Ka nau hi tlangval a si. Kei cu ka nupi he kan pahnih in rian ka tuan. Ka naupa cu tlangval a si. Nupi thit rian a ngei rih. Chungkhar dirhnak caah timhtuah te hna a herh. Ka rawltuan mi a cheu in kan i cheuh mi hi ka palh ko hi ta....ka nau tam deuh in ka rak peek awk a si ko mi....tiin a rak ruat ve...

A naupa bantukin ka chimh ii ka pek ahcuna duh lai lo timi a hngalh. Cucaah zaan a thli tein a tho ii a upa nih a naupa rawlruuk chungah rawl cu a va chiah lengmang ve.

Voikhat zaan, zaan dai zaan cu...an rawlthiar caan aa tong. A naupa nih rawldip nganpi put buin a u rawlruuk chiahnak inn lei ahcun a kal. Cun a upa zong nih rawldip ngan in a liang cungah i khinh in a naupa rawl ruuk inn lei ahcun a kal ve.

Zan thlapa vang tangah lampi ahcun an unau an i tong. Zei chim awk veve an thei lo. A naupa nih " ka u,....ziah..zeidah na tuah hnik?" tiah a ti. A upa zong nih, "zeidah an tuah hnik ve?" tiah a hal. An liang cung ii an i khinh mi an rawlruk cu tangah an thumh ii, an unau cu an i kuh ii, an tap.........

Dawtnak a umnak ahcun zeizong te a tluang......'
Dawtnak a umnak ahcun zeizong te a rem......'