Jack Ma cu Tuluk ram sifak mi chungkhar in a chuak mi a si.
Tlangval no a si lio ah mirang holh thiam a duh caah Tourist pawl cu man lo in a hruai hna tawn hna. Fimnak cawnnak ka ngeih lawngah sifahnak sal chungin ka luat lai tiah zumhnak a ngei. College a kai khawh nakding ah a sok lengmang nain pakhat hmanh nih an cohlang lo. Harvard Sianghleiruun voi (10) a sok i a voi (10) ning in an co hlang lo. Sihmanhsehlaw a thinlung nih cun ni khatkhat ahcun Harvard sianginn ah cachimtu ka si hrimhrim lai, tiah lungthawnnak aa pek. Riantuannak hmun (30) ah a sok i an dihlak nih an cohlang lo. Tuluk ram ah KFC dawr an rak on ve. A umnak khuapi ah KFC dawr cu an ong ve. KFC ah riantuan dingin minung 24 nih rian an sok. Minung 23 an cohlang hna i, Jack Ma pakhat lawng an co hlang lo.
Cuticun harnak le hlawtnak hna nih sobul bantukin an den len ko. Sihmanhsehlaw thir cu den a si deuhdeuh tikah a kiah lo ahcun thir tha a si bantuk in a ton mi hlawtnak le cohlan lonak hna nih thawnnak a pek chinchin. Kum 1995 a phak tikah Internet cu vawlei cungah a hunglar ngaingai. Sihmanhsehlaw "Beer" tiah a kawl tikah China ram in zeihmanh a cuan lo tikah a khuaruah a har ngaingai. Cuticun Online in thil zuarnak kong a thinlung ah ruahnak a hungchuak.
A min ah " Alibaba" tiah min a sak. Sihmanhsehlaw hlawhtlinnak a hmu lo ii, bankrupt si ding dirhmun ah a phan. A hawikom minung 17 cu kan riantuannak tangka hram bunh uh, ka ruahnak cungah zumhnak ka ngeih ko tiah a sawm hna. Cuticun Alibaba cu vawlei cung a ngan bik mi " E-Commerce" Online thilzuarnak hmun ah a hung cang. Jack Ma cu Tuluk ram mirum bik a si. Tangka a ngeih mi cu $31.4 billions a si.
Jack Ma tuanbia nih a kan cawnpiak mi cu " Kan chunmang cungah zumhnak ngei in ruahchannak he i zuam ahcun hlawhtlinnak ka hmuh khawh ko" timi hi asi.
No comments:
Post a Comment