2. Mitha nih cun midang nih kan uar hna seh tiin an lemsoi hna lo. Sihmanhsehlaw midepde hna nih cun midang upatnak an hmuh khawh nakhnga caah an lemsoi hna. Zeitindah an lemsoi hna ti ahcun an thiltha an tuah mi kip kha midang nih an hmu rua ti bang, midang kha an chimh hna.
3. Mitha hna cu larnak a kawl mi an si lo. (Attention seeker an si lo). Sihmanhsehlaw midepde hna cu midang nih ka thei hna seh ti ruah ah hawisin in an i pheo tawn.
4. Mitha hna cu porhlawt in bia an chim lo. Sihmanhsehlaw midepde hna cu zeitik caan paoh ah chuahlangh mi si an i zuam peng. A herh lo tiang in mi hmai thil tuah an hmang tawn.
5. Mitha hna cu an hmuh ning lungthiang tein an chim tawn. Sihmanhsehlaw midepde hna cu mi kong caihnak an hmang tawn. A thli tein mi tawkhngerh an hmang tawn.
6. Mitha hna cu an biakam mi tlinter khawh an i zuam zungzal. Sihmanhsehlaw midepde hna cu biakamnak cu fawi tein an pek ko nain an tlamtlinh lem lo.
7. Mitha hna cu midang kha thangthat an thiam i, upat zong an thiam. Sihmanhsehlaw midepde hna cu midang tlamtlinlonak chimnak in fim an i cuh tawn.
8. Mitha hna cu midang bawmhnak le lawmhnak in an caan tamdeuh an liam ter. Sihmanhsehlaw midepde hna cu thil pakhatkhat i ruahchan mi an ngeih caan lawngah midang sinah that an i zuam tawn.
No comments:
Post a Comment