Zeitindah Na Ruah Ve?

1. Thlacam mi bia cu caan dih (expire) a ngei bal lo. Bawipa nih khuazei hmun, zeitik caan ahdah, zeitin an leh lai timi na hngal kho lo.

2. Nunnak nih na zumhnak an hneksak peng lai. Minung nunnak cu kan zumhnak hneksaknak caah a si.

3. Pa thawng hna cu zan mui lak lawngah mi theih loin, mitthli tla in an tap tawn.

4. Dawt mi minung cu a sunglawi mi pahnihnak a si. Cu nakin a sunglawi deuh mi cu midang daw kho tu si hi a si.


5. Zumhlonak nih ruahchannak a donghter mi cu sunghnak nih ruahchannak a dongh mi nakin a let in a tam deuh.

6. Thla na cam tikah Bawipa nih a ngaih. Na zumh tikah Bawipa cu rian a tuan. Bawipa bia na ngaih tikah Bawipa nih bia a kan ruah.

7. Minung na ton hna tikah a sawhsawh in na ton mi hna an si lo. Micheu cu na caah fimchimtu ah an si lai. Micheu cu na caah thluachuah an si. Mi pakhat nih na lung an fahter tikah cawn awk pakhatkhat an pek. Cucaah na fimchimtu a si.

8.  A dawh mi muisam nakin aa dawh mi thinlung tu kawl deuh. Dawhnak cu kum an liam tikah an liam ve. Thinlung cu zungzal in aa dawh peng ko. Muidawh dihlak in mitha an si bal lo. Thinlung dawhnak a ngei mi hna cu zungzal in an i dawh. 

9. Nahchuahnak a ngei mi hna cu va hua hna hlah. Zeicatiah an in nahchuahnak cu anmah nakin na tha deuh tiah an in ruah caah a si. Anmah nakin mitha deuh ah an in ruattu an si caah an in nahchuah paoh ah vaa lawm ko.

10. Upatnak cu kan tuahsernak ruangah kan hmuh mi a si. Toidornak cu kanmah nih a phu ko tiah kan ruahnak in kan ngeih mi a si. Zumhnak cu midang nih an pek mi laksawng a si. Zumhtlak sinak cu kan nun ning i a thlapale a si.