Ka Ni Caan Hna Cu Nangmah Nawlngeihnak Chungah An Um Ko!

Ka caan cu na kut chungah an um dih, ka ral hna kut chungin ka khamh law, a ka hramtu hna kut chungin ka khamh tuah (Psalm 31:15)

Kan biak mi kan Pathian kong ah thil kan hngalh awk a si mi cu - zeitik hmanh ah kanmah tuah mi caan (timetable) ningin rian a ṭuan mi a si bal lo. Sihmanhsehlaw chikkhatte caan khat ah khin na nunnak dihlak a ning pi in a thlen khawh fawn. Amah caan (timetable) chungah rian a ṭuan mi tu a si. Kan nih minung nih cun kan herh lio, kan chambau lio thengte, kan nunnak a herh tiah kan ruah lio ah khin Pathian hi kan nunnak ah rianṭuan seh law kan duh fawn. Asinain kan herh lio thengte i Pathian rian a ṭuan hi cu a tlawm ngaingai.

Kan Pathian cu nizaan, nihin le thaizing aa thleng bal lomi Pathian a si. Cu nih a langhter mi kan nunnak hi amah kutchung ah an um dih. Kan nunnak cu  Amah nih a timhtuah ningin a rak um mi  a si. Nihin na nunnak ah thilhar na ton mi hna an um ko lai. Asinain ralṭha tein um ko. Zeicatiah na caan cu Bawipa kut chungah a um mi a si ko. A dawtnak le zangfahnak in an cawisan caan a phan ko lai. Na ruahnak le na thinlung thlarau nih an phak khawh lonak vialte lawnh dih cikcek an cawisang kho tu Pathian a si.

Amah Pathian biatak tu hi kan thinlung chia zungzal ko usih. Lungrawhnak kan ton tikah Amah bia thiang Bible bia chimrelnak in tei khawh i zuam hna usih. 

Voi tampi ah Pathian cu kanmah timetable chungah rianṭuan seh ti kan duh tawn. Cu tik - khi tik- hlan hrimhrim ah Bawipa ka bawm ko, tiah thla kan cam tawn. Cucu a sual mi a si lem lo. Kan duh kan herh mi vialte cu rak ka hal uh a kan ti tu kan Pathian a si. Kan hal ding hrimhrim a si. Sihmanhsehlaw, a si awk deuh a si mi cu caan vialte cu Amah nawlngeihnak chungah a um mi an si caah kanmah timbetable ah siloin, Amah Bawipa nih kan nunnak kongah Timetable a tuah mi ningtu si ko seh! tiin kan cohlan awk a si. 

Pathian nih kan nunnak ah a kan timhpiak mi timbetable a kan tuahpiak mi cu - kanmah timetable he aa ralchanh tikah Pathian hi kaltaak a fawite, zumh lo a fawi te. Mi tampi nih tehte an khaan tikah cu ti cun- ka um lio ah, herh bau in ka um lio ah thla ka cam i, Bawipa nih a ka leh, tiah kan ti. A hman mi a si ko lai. Sihmanhsehlaw kan nih vialte a kan let lo. Bawipa cu thleidan a hmang mi a si; a tuah khawh lomi a si fawn lo; a tuah khawh ko fawn; Asinain a ka let duh lo, tiah ruat loin, Bawipa na duhnaktu ka hngalh ter ko. Ka tuah awk a si mi hna cu ka cawnpiak law, nangmah nih na ka hruainak hmun lunglawmh tein a kal mi ka si nakhnga thiangthlarau in ka um pi ko. Ka caan cu nangmah kut chungah; nangmah nawlngeihnak chungah a um ko, tiah thlacam deuh hna usih. 

"Lord, my time is in your hand.!"