Thinlung ruahnak a niam mi, na thanchonak an dawn lengmang mi hna sinah in i thial law, ruahnak sang a ngei mi hna pawngkam ser khawh i zuam.
2. Mupi cu a fiang tein le ding tein khua a cuan.
Zeibantuk harnak tong hmanh law, pawngkam nih vuivai dingin in tuah ko hmanh seh law, na tinh mi thil fiang tein le ding tein cuanh khawh i zuam ko.
3. Mupi nih a thi cia mi sa a ngei bal lo. A thar mi le a hlaam mi sa lawng an kawl i an ei.
Na tuahcia mi thil tha cung lawngah lungsi ngai in um hlah. Thil dang, thil thar hna tam deuh in tuah khawh tu i zuam deuh.
4. Mupi nih thlichia totho a hua lo. A lawmh tu in an i lawm. Zeicatiah cu thli thawnnak thazang hmangin cung vanlai a phak khawhnak caah a hman.
Teitu hna nih zuamcawhnak hna le harnak hna cungah an phunzai lo. Sihmanhsehlaw cu zuamcawhnak le harnak chungin thil tha chuahter khawh tu kha an i zuam.
5. Nu mupi nih pa mupi a ton tikah zumh awktlak a si maw, si lo timi a hneksak hmasat tawn.
Nifatin na nunnak ah, na riantuannak ah, midang he nan i pehtlaihnak ah hneksaknak teitu na si a herh. Cu hnu lawngah a fek mi le a hmun mi nunnak, rian, pehtlaihnak na hmuh khawh lai.
6. Mupi nih cawnnak an ngei zungzal.
Sirem ngai in na umnak hmun chuah taak law, zuamcawhnak tampi caah cawnnak hmun ah i thawh a herh.
7. Mupi cu an tar tikah thla hmul thar an ngeih khawh nakding ah anmah le anmah harnak an i pek.
Voi tampi cu kan sining hlun le kan nunning hlun kan kal taak a herh tawn. Nun ning thar, thawnnak he a khat mi nunnak kan ngeih khawh nakding ah lungfahnak le taksa fahnak zong tuar ngamh in kan hlawt ngam a herh.
Cucu mupi sinin hruaitu tampi hna nih kan cawn awk thil phun (7) an si.
No comments:
Post a Comment