Minung kan nunnak chungah kanmah fimnak, thiamnak le thilti khawhnak in kan uk khawh lomi thil sining kan ton cio tawn hna. Kan duh lo buin kan nunnak chungah cu bantuk thil sining an rak phak tikah kan nunnak ah tihnak in kan khat tawn. Tihnak kan nunnak chungah an phak tikah kan khuaruah ning an hman kho ti lo. Kan tuahser ning an hman kho ti lo. Vuivai in kan um tawn hna. Zeidang thil vialte zong kan khuaruahnak chung hmunhma kan pe kho hna lo. Cu kan tih mi thil sining chungin luat khawh nakding lawng hi kan ruah mi a si. Kanmah le mah cungah zumhnak kan i ngeih mi cu kan thil khawhnak chungah hram a bunh mi a si.
Sihmanhsehlaw zumtu hna kan i vanthatnak cu- Bawipa nih kan tihnak thinlung a hngalh. Tihnak sal ah nun ding a kan duhpiak lo. Cucaah zeizong vailte hi Keimah kut chungah a um mi lawngte an si ko. Tih hlah! Na thin phang hlah! Hi vawlei cungah an chuahtertu cu Keimah ka si. Keimah nih na nunnak ka thok ii Keimah nih lawnglawng nih a donghnak zong ka hngalh. Zeihmanh tih hlah! Kan thawnter lai. Kan bawmh lai. Kan hupphenh lai! tiah a kan ti. Bawipa min sunglawi chin ko seh!
Kan Pathian caah a si kho lomi thil zeihmanh a um lo. Zei thil hmanh hi Pathian tuahkhawhnak pinlei ah an um bal lo. Zeizong vialte hi a kut chungah a um mi an si. Kan herh mi thil vialte zong a kut chungah a um mi a si.
Nihin ah zeibantuk nunnak chungah a nung mi na zong ah, Bawipa cu 100% na zumh khawh ko. Na pawngkam thil sining nih tangah tih lengmang buin nun khuasaknak in Bawipa zumhnak tu he zeizong vialte a tong ngam si i thim deuh ko usih.A dawtnak i ruahchan ko usih, kan nunnak ah thanchonak le luatnak hna i ruahchan ko usih. Amah sinah zumhnak he kan dir tikah kan hmai a um mi kan ral vialte cu a lianngan mi a thawnnak in a kan teipiak hna. Kan nih cu Amah kut chungah a nung mi kan si.
No comments:
Post a Comment