Khrih Thawngin Thil Zeipaoh Tuah Kho Tu Kan Si

Filipi (4:13) Thawnnak a ka petu khrih thawngin zeizong vialte ka tuah khawh kho hna.

Carson siangbawi nulepa Hakha a rak phak tikah, Carson siangbawi pa cu amah tein inn aa sak. Thing a lak. Lung a thiar. Harsa ngai in rian a tuan. Cucu a nupi Laura nih a hmuh tikah a zangfak ngaingai. Laura nih hi bantuk thil hna cu na tuah bal mi an si tung lo, tiah a ti. Carson nih a leh mi cu, "Filipi (4:13) thawnnak a ka petu khrih thawngin zei thil paoh ka tuah khawh ko hna" timi hi a si. 

Bawipa Nawl A Zul Mi Hna Nih Nun Sithatnak An Hmuh

Psalm [37:18-19] Bawipa nih a nawl  zul mi cu a zohkhenh zungzal hna i ram cu anmah ta a si zungzal lai.  Caan tha lo a tlun tikah sifah an ing lai lo. Mangtam a tlun tikah ei awk a za an ngei lai. 

Minung kan nunnak ah ram ka pakhat i phung kan zulh tikah kan him. Thil sual pakhat khat kan tuahsual zong ah cu phung nih a kan kilven. A kan huhphenh. Cu bantukin zumtu hna nih Bawipa nawl kan zulh tikah a kan zohkhenh zungzal. Caan tha lo hna caah hnangamnak a kan pek. Baibal nih a kan cawnpiak bantukin Bawipa nih harsatnak caan caah sifahnak chungin khamh a kan duh tikah a nawl a zul mi si ding a kan duhpiak. Zeicatiah Amah nih zeizong vialte a theih dih. Kan caah thil tha kan hmuhnak ding lam vialte a thei dihtu a si.  

Pakpalawng Chungin Rosung Thil Hna Chuahtertu Bia

Roman 4:17 [ Mithi kha a nunter i, a um lomi thil a bia in a umtertu kha  a si] 

Bia hi thawnnak a ngei tiah ka rak tial lengmang. Cucu sersiam khawhnak thawnnak a si. Nihin kan chim mi bia cu thaizing kan nunnak sersiamtu a si. Zeizong vialte ser a si hlan ah Bia cu Pathian he a rak um. Cu Bia cun zeizong vialte ser kan si. Minung Pathian peknak nunnak le thaw a ngei mi kan si. Cucaah minung nih bia kan chim thawnnak a um ve. 

Zei Bia Dah Na Chim Tawn?

Psalm (107:2-3) - Bawipa nih a khamh mi vialte hna, amah cu thangthat u sih. Nan ralkut chungin an chuah hna i ram dang in an tlunpi hna, nichuah, nitlak, chaklei, thlanglei in an tlunpi hna.

Bawipa nih a khamh mi hna zumtu kan caah dingthlu tein khuaruah khawhnak, a dik mi thil zumhnak kan ngeih khawh nakding hi a biapi. Sihmanhsehlaw Bawpa thawnnak cu zeitik ahdah kan nunnak chungah thawnnak a ngeih ti ahcun ka " Lei" nih bia a chim tikah a si. Ka hmurka le kan lei nih bia a chim i zumhnak bia kan chim mi cungah thawnnak nganpi  a um. Midang sinah na va chim theng a hau lo. Nangmah nangmah le nangmah sinah na chim mi bia chungah thawnnak a um. Nangmah le nangmah kong naa chim tikah, "zeitindah na chim tawn?" Na chawkawlnak rian sunghnak na tong ko lai. Sihmanhsehlaw " thluachuak mi ka si" tiah na chim khawh ko. Asiloah "mi vanchia ka si. Pathian nih sual a ka phawt" tiin maw na chim lai? 

Teitu Ah Kawh Mi Kan Si

Matthew [17:20] - Hihi philh hlah uh. Antam ci tiate hmanh zumhnak nan ngeih ahcun, hi tlang hi," i thawn" ti u law aa thawn ko lai. Zeipaohpoah kha nan tuah khawh ko lai.

Nifatin Bible ca kan rel tikah Pathian nih a hman mi hna an nunnak hi thatnak le khuaruah thiltuahkhawhnak lawngin a khat ko tiah kan ruah tawn. Thadam tein nitin an nunnak zeihmanh harnak tong loin an um rua tiah kan ruahsual tawn hna. Sihmanhsehlaw kanmah bantukin nitin an nunnak ah thil an ton ve ko hna. Sihmanhsehlaw an nunnak cu Bawipa nawlngaihnak le a bia cungah zumhnak ngei buin an nung zungzal. 

Malaysia Chin Miphun Hna Nih Singapore Chin Hna An I Zohchunh Ding A Si

Kum 70 Tlinnak Chin Miphun Ni (2018) cu vawlei cung ramkip Chin miphun hna an umnak hmun paoh ah tuah cio a si. Miphun Ni timi biafang hrimhrim hi miphun pakhat kan sinak le miphun timi a sunlawinak zong faktuk in a langhter. Cu ruangah hlandeuh ralkap cozah chan ah miphun ni timi hman ding hi an rak duh lo. Aruang  cu Miphun in kan dir tikah Kawl miphun le vawlei cung miphun vialte hna he aa tluk ruang mi tinvo kan ngei kho tinak a si. Kawl pawl nih an duhnak ahcun Myanmar National timi lawng hi um in, Kawlram miphun chungah Chin timi cu miphun tengnge pakhat a si timi (2nd Class National) ah chiah hi an i timh mi a si. Sihmanhsehlaw Kawl miphun he kan nunphung le caholh aa pehtlaihnak pakhat hmanh an um lo. Anmah bantukin miphun tling pakhat kan si ve ko. Cucaah a phunphun in kan holh hi hmang thiam lo dingin an rak i zuam. Chin holh le caa in catial le chuah khawhnak zong an rak kan kham. Asinain a zatawk cu an hlawh a tling. Nihin ah Kawl holh deuh in Chin Miphun Ni kan hmang hna. Sihmanhsehlaw kan tei te ko lai. Falam khuapi ah Falam holh in Chin Miphun Ni hman cu Kawlpa a hnursualnak a um lo. Hakha khuapi ah Hakha holh in Chin Miphun Ni biachim le hman cu Kawlpa a hnursualnak a um lo. Mindat ah Cho holh, Paletwa ah Khumi holh, Tedim ah Tedim holh, tiin Chin Miphun Ni hman nih a sualnak a um lo ii, miphun dang nehsawhnak zong aa tel lo. Ramdang hna belte ah Chin Miphun vialte kan hmanti ruangah aa khat lomi tampi chungin kan i khahnak kan kawl ii Kawl holh kan hman. Cucu a sualnak a um ve lo. 

Mitha Hna Cu An Tluk Zongah An Tho Than Zungzal

Proverb (24:16) - "Mitha cu voi sarih tiang tlu hmanh seh law a tho than zau lai. Sihmanhsehlaw mitha lo cu vanchiatnak nih a hrawh hna"

Minung nunnak hi a mak ngaingai. Nunnak hi ser khawh a si lo nain a rawh a fawi taktak mi a si. Kan mit hmuh lo thil hmetete zong nih kan nunnak an donghter khawh. Cu lawng siloin kokek sining a lonh kho fawn lo. Cucu zeidah a si ti ahcun zungzal in nun khawh a si lo. Zeitluk mi ngandam kan si zongah kan kum a upat ahcun thihnak thlanmual lei ah a panh thluahmah mi lawngte kan si ko. 

Kan Nunnak Hram A Si Khrih Pehtlaih Kan Herh

John 15:5 [ Mitsur ruangah cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun amah cu thei tampi a tlai kho mi cu a si. 

Electric Bulb pakhat cu ceunak a chuahter kho cu electric socket plug ah aa bunh lo ahcun amah tein ceunak a ngei kho lo. Thawnnak le ceunak a chuahtertu Generator sinah wire hri in pehpiak hnu ah muihnak chungin ceunak a kan pe kho. Cu bantukin minung (zumtu) hna kan nunnak zong hi kanmah tein zeihmanh ceunak i pe kho lo. Pathian kan pa sinah Jesuh sinin pehtlaihnak kan ngeih lo tikah kan nunnak vawlei cung sual muihnak nih a uk tawn. Midang sinah kan ceunak a lang kho lo. 

Nawlngaihnak In Bawipa Dawtnak Langhter

1 Thesalon (1:4), U le nau hna, Pathian nih an dawt hna i amah mi si awkah an thim hna kha kan hngalh. 

Na kiangkap minung nih an in zoh tikah na nunnak chungah Bawipa nih an dawtnak an hmu kho maw? Bawipa nih an dawtnak ruangah na nunnak chungah aa thleng mi pakhat khat tal an hmu maw? Annih hi cu Bawipa zumtu a si tiin an in hngal kho maw? 

Zeitluk In Dah Bawpa He Nan I Naih?

Jame (4:8)

[Pathian cu naih u law, an naih ve hna lai...] 

Pathian nih a kan kamh mi cu nan ka naih deuh ahcun kan naih deuh ve hna lai ti a si. Thil pakhat that kan zoh tikah kan naih deuhdeuh ahcun fiang deuhdeuh in kan hmu. Nihin kan nunnak zongah Bawipa nih a kan duhpiak mi pakhat cu Amah Pathian a sining fiang deuhdeuh in kan hmuh khawh ding hi a si. A hlan kum 5 kan nunnak le nihin kan nunnak cuaithlai tikah Bawipa kan i fiandeuh lo ahcun; asiloah Bawipa kan hmuh ning le Bawipa he kan i pehtlaih ning a thlen hlei lo ahcun Bawipa he "a naih niam mi" nun kan ngei lo tinak a si ko lai.

Zumlotu Hna Hmai Ah Mithmai Tha Na Hmu Maw?

“Cuticun a zum lomi hna hmaizah kha nan tong lai i, cuticun nan herhbaunak ah khan ahohmanh i rinh nan hau lai lo." [1 Thesalon 4:12]

Nihin kan nunnak hi midang nih an kan zoh tikah zeitindah an kan hmuh hnga? A bik in zumlotu hna nih zumtu a simi nangmah le keimah kan nunning an kan zoh tikah zeidah thil an hmuh hnga? Kan nunnak nih zumtu hna hmaizahnak le upatnak kha a hmu maw? Khrihfa cu vawlei cungah Jesuh khrih ai-awh tu kan si. Zumlotu hna hmaiah mithmai tha a hmu deuh mi siding ah kawh mi kan si. Kan nunnak muisam nih Pathian sunparnak langhter dingin timh mi le kawh mi kan si. 

Ruahchannak Hna A Dongh Tik Ah

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung satil run kha um loin Satil inn ah satil kha um hmanh hna hlah seh law, Bawipa ah cun kaa lawm thiamthiam ko lai i, a ka khamhtu Pathian cu ka lawmh thiamthiam ko lai [ Habakkuk 3:17-18]

Prophet Habakkuk nih ruahchannak hna an dongh tikah zeidah ka tuah awk a si timi a hngalh. A cunglei a tial mi kan zoh tikah,ngaihchiatnak le sunghnak le rawhralhnak zeitlukin dah a intuar timi a langhter. Zeihmanh a ngei lo. Hawikom zong a ngei ti hna lo. Cu bantuk caan lio ah Habakkuk nih zeidah a tuah? 

TU NI - KHI NI

Joshua 4:14 [ Khi ni ah Bawipa nih Joshua cu Israel mi vialte hmai ah a hlorh i Moses an rak tihzah bantuk khan amah cu a chan chung vialte an tihza ve] 

Joshua (3;7) chungah Bawipa nih Joshua cu a chawnh i "Nihin ahhin nangmah cu Israel mi vilte mithmuh ah hlorh hram kan thawk lai"tiah a ti. Hi Pathian nih Joshua sinah bia a kam mi hi duh a nung hringhran. Hi Pathian biakamnak cu NIHIN ah Pathian nih an kamh mi a si. Voi tampi cu Bible ca na rel ko nain, keimah caah a si tiah na zum lo. Joshua caah a si. Moses caah a si tiah na zumh peng tikah Pathian thawnnak cu na nunchung ah rian a tuan kho lo. 

Zarh Dongh Zumtu Kan Si Sual Maw?

Luke 9:23 [ Cun annih cu an dihlak in a thawh hna i; Ahohmanh nih zulh nan ka duh ahcun mah zawnruahnak kha nan ngol lai i nifatin nan vailam kha nan i put lai i nan ka zulh lai.

Nifatin kan nunnak he ralchanh in thil buai tampi an rak chuak tawn. Cu vawlei cung thil hna nih Jesuh he kan i pehtlaihnak thinlung cu an kan thialpiak lengmang. Mi tampi tikah zarhte, zarhpi ah Biakinn pumh, mino pumh, nubu pumh ah kan kal kho. Zarhpi ni ah Bible kan rel. Hla kan sa, thla kan cam hna. Pathian lei ah kan i pe ngaingai ko tiah kan ruat i Pathian he kan i pehtlaihnak a fek ko tiah kan ruat tawn.

Na Thinlung Mit Nih Zei Thil Dah A Zoh?

Phungtlukbia (4:25) 
Na mit nih ding tein hmailei kha zoh ko hna seh, na hmai i a um mi thil cu fek tein i zohchih ko.

Nihin ah zei thil dah na mit nih na zoh? Na thinlung mit nih tah zei thil dah a cuanh? Na thinlung le na mit nih na hmailei khua ding tein an cuan maw? Asiloah vuivai in dah an um? Hmailei thil cuan loin, liamcia na palhnak, na tlamtlinlonak, naa ngaichihnak hna na cuan sual maw? 

Kan taksa pum cu kan mit nih a hoihnak leikap, a cuanhnak leikap ah a kal. Minung kan nunnak zong kan thinlung nih a cuanhnak nunnak lei hoih in kan kal ve. Cu ruangah hi Baibal nih ding tein hmailei zoh ding a kan cawnpiak. Kan cuanh mi thil zeidah a si timi a biapi tuk. A siloah kan sirvan ah a um mi thil hna kan zoh i, kan cuanh ahcun kan dir a hau. A siloah kan sirvan zohpah buin hmailei kan kal ahcun kan tlu ko lai. Kan dir ahcun hmailei kan kal lo tinak a si. 
Cucu kokek sining nih a kan cawnpiak mi a si. Kan taksapum nih hmai lei kal a duh tikah hnulei zoh buin le sirlei zoh buin kal khawh a si lo bantuk in, kan nunnak zong liamcia caan i kan rak i palhsualnak, kan rak hruhnak le tlamtlinlonak vialte kan thinlung mit nih a cuanh lengmang ahcun hmai kan kal kho lai lo. Kan sirlei in thangchiatnak le thatthatnak, conglawmhnak le congawihnak hna nih an kan au hnawh zongah zoh loin hmailei lawng cuan in kan kal a herh.  I laksual lo ding mi cu congawihnak le conglawmhnak cu cohlang hlah ti duhnak a si lo. Hmaitonh in na tonpah lio ah tha tein conghlang ko. Sihmanhsehlaw, sirlei mer in, hnulei mer in zoh a herh ti lo. 

Kan Thilrit Chaangtu Pathian

“Ni khat hnu ni khat kan thilrit a kan changtu Bawipa cu thangṭhat ko u, Amah cu a kan khamhtu Pathian a si”Psalm (68:19).

Bawi cu kan nunnak in kan upat tikah, Bawipa bia hna cu ka ngaih tikah, kan thinlungput hna cu Bawipa lung a tong mi an si tikah, Pathian thluachuahnak nih kan kalnak hmunkip ah a kan zulh peng lai, tiah cathiang nih a kan cawnpiak. Bawipa ṭhatnak nih an dihtak lai lo. Bawipa ṭhatnak cu na tliktaak kho lai lo. Nifatin kan thilrit a kan changtu cu Bawipa a si. Kan sinah a kal zungzal. Kan tuah mi thil kip Amah hmaika ah an si. Kanmah le kanmah kan i hlen khawh lo bantuk in Bawipa cu na hleng kho lo. Zeicatiah Amah nih a thlarau cu na chungah a chiah. Thil ṭha siseh, thil ṭha lo siseh, na tuah mi tkip cungah le tuah dingin na lung an thawhtertu ruahnak vialte cu Bawipa nih a hngalh dih.

CHIN-ZOMI

Kum 2016 lio ah Kalay Myo ah Chin National Day cu Zomi National Day in Tedim lei kan unau hna nih hman dingah a rak i tim. Cu lio ah Zomi National Day si lo in Chin National Day tiin hman awk a si nak kong tampi ka rak tial. Cu kong he pehtlai in Zomi kan unau hna nih an dirpi mi cu Chin cu midang nih an kan auhnak a si ii, Zo hi kan min taktak cu a si timi an kalpi a si.  A fawinak in chim ahcun "Chin" timi hmunhma ah "Zomi" tiin rolhter ding an rak duh mi a si. 

Chin kan si lo "Zo" kan si tiah an i laaknak a hram bik hna cu: 

(1) Lushai Hill ah kum 1871-1872 lio ah a rak phan mi Officer T.H. Lewin nih a rak tial mi "The generic name of the whole nation (Lushai Hill) is Dzo" timi hi a si. 

(2) Kum 1783 lio ah Father Sangermano nih a rak tial mi "Beyond the point Negraglia, as far as Azen, and even farther there is a small chain of Mountain that divided Aracan and Casse from the Burmese. All mountain are inhabited by a nation called CHIEN. To the east of Chien Mountains between 20 degree 30 minutes and 21 degree 30 minutes north latitude, is a petty nation called Jo (Yaw). They are supposed to have been Chien" timi hi a si.

(3) Tang Dynasty (AD 816-906) chan, AD 826 lio ah Ambassador a si mi Fan Cho nih [Manchu: The Book Of Southern Babarian] timi cauk chungah," Chindwin kiangkap ah um mi miphun hna cu Shou (Zo) an si tiah a langhter tiah an i lak. 

Hi a cunglei pa (3) cungah hngat in Chin cu Kawlram kan phak hnu midang nih pek mi min a si tiah an dirpi mi a si. 

Tho tuah! Ni bang tlang tuah!

“Tho tuah ni bantuk in tlang tuah. Bawipa sunparnak cu na cungah a tlang” Isaiah (60:1) 

Bawipa nih kan i ruahchan mi lengin thil hi lengin pek a kan duh. Khuaruahhar a ṭhawnnak in kan caah  thil ṭha a kan chiahpiak zungzal. Kan chunmang chung hmanh ah kan manh bal lonak hmun le ram a kan hruaitu cu kan Pathian a si. Na ruahnak chung hmanh ah na umter khawh lomi hmun ram, dirhmun ah an cawisangtu, lam an hruaitu cu kan Pathian a si. A nung mi kan Pathian nih a sunparnak cu a mi hna cungah a tlanter zungzal.

Thinlung Daihnak Chungah Thawnnak A Um!

Rom (12:18) [ Mi vialte he i rem awk kha nan i zuam khawh chungin i zuam u]

Daihnak he nunnak kan i thim tikah kan chungah thawnnak nganpi a um. Cucaah cun pei Bawipa nih kan pawngkam ah minung hna he rem tein, dai tein um khawh ding a kan cawnpiak cu! Sihmanhsehlaw kan chungah thinhunnak le a linsa mi lungtlinlonak a um tikah kan ral hna cu kan nunnak chungah lut dingin innka kan onpiak mi a si. Asinain kan thinlung cu daihnak in kan khah tikah kan chungah thawnnak a um. 

Pawngkam minung he dai le rem tein um i zuam timi cu na cungah zei an tuah paoh ah "A si" tiin na lungtlinpi peng hna lai tinak a si lo. Sihmanhsehlaw a chim duh mi cu dawtnak in kar hlan ding i thim kha a si. Dawtnak na ngeih tikah an cungah na lung a sau i, an cungah zafahnak na ngei tinak a si. Uahnak le zeirel lonak in na um taak hna lo tinak a si. An caah thil tha na ruahpiak hna ii, an chim mi na lung a tlin lo tiangin an cungah zangfahnak na ngei kho tinak a si. 

Khuatlirtu Dal (4)Nak

David cu   ṭhitumnak puai an tuah zaan, London an kal lio ah an mawṭaw le Lorry nganpi an pah. Denkhawnnak ruangah a ke cu  a phei in tanpiak a hau cang. A ke tanglei cu hman awk tlak an si ti lo. Cuticun a phei cu sizung ah an tanpiak.

RAF Pilot si aa ngaihtuk mi David cu si khawhnak lam a um ti ai lo. A ruahchannak le Lucy he hmailei nunnak kong ii chunmang a ngeih mi vialte cu a ruah ning bantuk an si ti lo. Lucy ca zongah a ruat tikah a ngaih a chia tuk hringhran. Keimah ruangah Lucy mi vanchia nu a si ai mu..maw ka nunnak tiin….

Dawtnak cu Tuahsernak In A Langh Awk A Si

1 John (3:17) : [Mi pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai? Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a lang mi dawtnak in a si awk a si]

Nihin kan i dawtnak hi zeibantuk dawtnak dah a si? 

Nangmah le keimah cu hi vawlei cungah Jesuh khrih kutke kan si. Jesuh khrih ai-awhtu kan si. Nihin Bawipa nih  thluachuahnak pek a kan duh. Cucu midang caah thluachuah petu kan si nakhnga caah a si. Kan nunnak chungin riantuan a duh. Cucu midang nih Pathian dawtnak le zangfahnak an hngalh khawh nakhnga caah a si. 

1 Jonh (3:17) nih cun, "Dawtnak cu chimnak le ruahnak lawnglawng in a si lo, tuahsernak tu in a si deuh"timi a langhter. Dawtnak cu kut samh i midang herhnak ah hei phak khawh khi a si. A chel ahcun midang nih an herh mi cu mithmai panh tein biakchawnhnak, panh sirsiar in mirhnak hna an si ko lai. Na sinin thazang peknak bia an herh mi zong a si ko lai.  Pathian nih a kan dawtnak hi lam tampi in langhter khawh a si. Inn man le meiman a pe kho lomi hna na innpa ah an um tikah na pekpiak kho hna maw? Rawl tam mi na hmuh tik hna ah rawl na cawkpiak kho hna maw? Khuasik mi na hmuh tik hna ah fenh-aih na pe kho hna maw? Thilrit chaan a herh mi na hmuh tik hna ah na chaang kho hna maw? 

Khrih Thawng In Zeizong Vialte Thilthar An Si

Psalms (51:10) “Maw Pathian, ka chung ah hin lungthin thar ka serpiak law a thar le zumhtlak a si mi ruahnak ka chung ah chia ko”

Kumthar nih hliphlaunak thar, thinlung thar le thilthar thoknak kan sinah a ratpi hna. Atu nihin thengte hi rianthar, tinhmi thar hna le thinlung hmuhnak thar na tuah caan a si. Sihmanhsehlaw thil thar thoknak pohpoh ah hin Jesuh he thok mi lawng thil lian ngan an si tawn. 2 Korins (5:17) nih a chim mi cu “Mi zeihmanh hi Khrih he an I pehtlaih tikah cun mi thar a si; a nunning hlun kha a lo cang, nunning thar kha aa thok cang.”tiah a ti.

Nihin Na Dir Hmun Zoh In- Hmailei Na Nunnak Temtawn Hlah!

“Ka tuah lai, tiah na ti mi paoh ah na hlawh a tling lai i na lam ah ceunak a tlang lai”Job (22:28) 

Biakam hlun chan lio ah Israel nu pakhat cu fa a hrin lai caan, Pathian biakam kuang cu an fir timi thawngpang a theih tikah a ngaih a chiatuk i a hrin mi a fa cu “Ichabod”tiah a sak. A sullam cu “Sunparnak nih a kan kaltak cang tinak a si”. 

Hi nu nih a fa min a sak ning kan zoh tikah “Hmailei ah saupi a nung ding mi a fapa min cu nihin a intuar mi dirhmun zoh in min a sak. “Sunparnak a kir ṭhan lai”ti zong in sak khawh a si lo maw? Sihmanhsehlaw cu Israel nu nih cun a muihnak lei kap in aa lak ii, hmailei a nunnak cu nihin thil ṭha lo a ton mi in a ṭem tawn. 

Zeithilhmanh Pakpalawng An Si Bal Lo

Pathan nih hin Amah a daw mi caah le Amah nih aa tinh mi ningin a kawh mi hna caah cun, zeizong vialte hi a ṭha lei ah a serpiak ko hna ti kha kan hngalh (Romans 8:28).

Minung nunnak zalam ah cho kai caan a um lai, chuk ṭum caan a um lai. Kuai hngirhngiar in a umnak zong a um lai. Lam kuai le lambo hna zong an um ko lai. 

Mizeipaoh nih nunnak zalam ah zuamcawhnak le harnak ton ding mi kan ngeih cio.

Sihmanhsehlaw cu thil vialte cu Bawipa nih a lak (man ngei lo) in a liamter hna lai lo. Na nunnak chungah na hmuhton mi thil vialte hi pakpalawng an si bal lo. Na lungrawhnak, na umharnak, dawnkhaantu thil vialte, umhar in nangmah lawng na um caan hna, zuamcawhnak le harnak vialte hna cu Bawipa nih Amah nih aa tinh mi ningin a kawh mi zumtu kan caah cun kan ṭhatnak caah a thlen dih hna lai.

Chin Ram Khualipi Hakha A Cunglei In Thlak Mi Zoh Cio Tuah Uh

Taksa, Thinlung Thlarau Damnak Caah Biathli

"Biathlum cu khuaihliti bantuk a si. Nunnak caah a thlum i pum caah a damnak a si" (Phungtlukbia 16:24)

Na nunnak chungah na thatnak chim awk na ruat bal maw? Na pawngkam mi dang hna i an thatnak chim awk tah na kawl bal maw? Nangmah le midang kong ah bia dawh le hmurka tha chim awk na thei bal maw? Bible nih a kan cawnpiak mi cu biathlum cu kan pum caah damnak a si, ti a si. Taksa, thinlung, thlarau in damnak na herh maw? Pathian nih biathli a kan  chim mi cu: Bia tha le hmurka thlum nih kan nunnak caah siseh, kan pum caah siseh damnak a kan pek khawh ti hi a si. Nunnak a si mi bia kan chim tikah kan thinlung le thlarau ah thawnnak kan hmuh.  

KHUATLIRTU DAL (3)NAK

Cuticun Lucy cu a liamcia caan ah thil a cang mi hna a ruahpah in a thil hna a von I thleng. Thlalang nganpi chung ah a pumrua aa zoh. A ke zim in a sampar tiang tha tein aa zoh. David nih Lucy cu mileng khaan in a hngah ko. Lucy cu a rakchuak, “Rose pangpar bantukin, naa dawh, Lucy ”a ti pah nih abuaa von pek.

Cun an thitumnak puai a hmang mi hna mangtha va cah ta dingin an va kal. Tuzan ah London Claridge ah caan hmang ding an si. Cun David cu Biggin Hill ah a kal lai ii, Lucy cu a nulepa sinah kir than ding a si. Ralchan lio a si caah cu zankhat te lawng cu caan an ngei.

Rawldumnak inn khan chungin mawtaw cungah an kai ii mirh le kut zauh buin, mawtaw cun an kal. Mileng le chungkhat hna cu kutthlir mangtha cah pah in an kal tak hna. Bawmchung ah zu thok khat a um tiah David nih a ti. Lucy nih kuang cu a von kau. Champange thok khat le thlalang hrai caaku in tha tein fun mi a hmuh.

London khuapi cu a kikpah rih ngaingai. Lucy nih thlalang hrai ah Champange cu a vonthlen. David nih “Tuzan zanriah ei kan thlai men lai”tiah a ti. Lucy nih “Zeidah a poi”a ti pah Champange hraikhat cu David a von pek.

Chinram hi kanmah tein rorel khawhnak ngei usih law kan si a fak lai maw?

Chinram hi kanmah tein rorel khawnak ngei uh sih law kan si a fak lai maw?



Kawl miphun hna an umnak hmunrawn in zeidah a chuah?

- Facang lawng a chuah.

Sihmanhsehlaw ziah tlangcung miphun dang pawl nakin Kawl miphun pawl an rum deuh?

Na Lung Thanuamnak An Tlau Dih Maw?

"Cucaah na cung i ka kut ka rak chuan tik i Pathian nih an pek mi laksawng kha na nunter peng nakhnga chimh than kan duh" (2 Timote 1:6)

A caan zeihmanh tuah zuam loin lung thadi in na um tawn maw? Mizeipoah nih kan ton tawn mi cu nunnak nih a kan pek thil ruangah kan lungtha nuamnak an tlau dih tawn. Zei tuah taktak hmanh nih kan lung ah a chuak kho hrimhrim tawn lo. Cu bantuk caan ah Pathian nih kan chung i a kan chiahpiak mi kan nunter a herh tawn. Cun hihi philh hlah! Pathian he nan tuah mi thil paoh cu sunghnak pakhat a um lo. Zeizong vialte na tei khawh nakding zeizong vialte pek na si. Zei bantuk harnak le hriamnaam hmanh nih an tei kho lai lo; zeitik caan ah ? Pathian nih na chung i an chiahpiak mi thil na nunter caan ah khin a si lai. Zetindah cu Pathian pek mi laksawng cu na nunter lai? Pathian bia tak chimnak le a bia ruah zungzal nak in na nunter  khawh. 

ZEIDAH THLEN NA HERH?

"Hi vawlei kal ning hin kal lengmang ti hlah uh, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a tha mi thil le Pathian nih a lawmhmi thil le a tling mi thil kha nan hngalh khawh lai, cucu Pathian duh mi a si." - Rom 12:2.

Kum (70)nak Chin National Day Lawmhnak Singapore- 2018

Kum (70)nak Chin National Day lawmhnak cu Singapore ah a um mi Chin miphun hna zong timhtuahnak an ngei ve. Cuka ahcun Singapore ah fimcawnnak lei in hlawhtlinnak a hmu hna laksawng peknak, 2018 kum caah hruaitu thimnak, Chin National Day kong chimnak te hna a um lai tiah theih a si. Cu hnu ah Chin Nunphung laam le Kawlram lei in hlasak thiam sawm mi hna nih hlasak nakin caan an kan hman pi te lai, tiah theih a si.

RUAHCHANNAK HRI FEK TEIN I TLAIH KO......

John (10:10)-" Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra"

Jesuh nunnak "mission" caah a si zungzal. Na thinlung thlarau, na thinlung chungmang, na thinlung chawva kong, na thinlung pehtlaihnak thil vialte le nitin na nunnak ah a ngeih mi thil vialte hi cawisan a duh hna. Mithmu loin kan hngalhlonak hnu lei rian a tuan zungzal. Cucu kan thatnak ding caah an si. A caan na tlamtlin lo caan a um lai. Sihmanhsehlaw a dih rih lo, tiah ruat ko. A BIA cungah ruahchannak fek tein ngei zungzal ko. Zeicatiah Amah cu a biakam a tlolh bal lo. Rian a lim hlan ah kan chuah taak ahcun kan sung ko lai.

Chin National Day Brief History

What is Chin?

The name Chin is at present our international name with which we have been recognized widely around the world as a people with a definite boundary of territory. Chin people in India use their international name “Mizo” which is also one of the tribes in Chin. The Chins in Bangladesh called their name “Bawm”.

Chinland is our own territory which no one can claim as their territory except by us, the Chin people, according to the UN principles” DPI/1316-03025 November 1992-9M, recognized that the Chin people are living in three countries such India, Bangladesh and Myanmar.

The boundary of our Chin territory according to the Chin Hills Regulation 1896 included even what is today Nagaland as Naga Hills District then and, Mizoram as Lushai Hills District then, Assam hilly parts, Manipur Hilly parts and Tripura Hilly parts all now in India; Chin Hills District then and it is now Chin State, Singkaling Khamti Naga Hills District today both in Burma, the Chittagong Hills tract in Bangladesh which was once in British India and today in Bangladesh.

Khuatlirtu - Dal (2) Nak

Godliman cu 1940 kum lio ah middle-age chan lio thil kong caṭial thiam ngaingai mi pa a si. Amah nakin middle age thil kong a thei deuh mi an um lai lo, ti tluk in a um. “Black Death”timi a cauk cu “Peguin Book”ca chuahnak ah tambik zuar khawh cauk minthang a si.

London chun suimilam 12:30 p.m ah Colonel Terry cu Gordon Square ah chuncaw ei ding a kal. Cu lio ahcun Godliman cu a cauk tampi ngauh buin a rak a ṭhu ko. Col. Andrew Terry cu Scot miphun a si ii, kuak a zuktuk nakah a hmai cu sen derdur tein a um peng. Godliman nih cu Col. Andrew Terry cu Savoy Grill cabuai a kil te, mipi thuam sawhsawh he a rak ṭhut kha a hmuh.

LUATNAK CU MI VIALTE CAAH A SI

Act (10: 34-35), "Atu cu Pathian nih mi vialte kha aa ruang tein a zoh hna ti kha ka hngalh. Mi zei miphun chung mi hmanh a si ah, Amah a tih mi paoh le dinnak a tuah mi paoh cu a cohlan hna"

Thiangthlarau umnak hmun ah luatnak a um. Bawipa sinah in hmuh mi luatnak cu mi kip caah a si. Zei bantuk miphun na si kha a biapi lo. Zeibantuk nunphung le holh a ngei mi na si kha  a biapi lo. Zeibantuk chungkhar in na rat timi zong a biapi lo. Bawipa nih Amah he nan i pehtlaihnak ding caah temtawntu thil vialte chungin luatter an duh.

CHIM ZUNGZAL KO!!!!

Bawipa cu zungzal in ka lawmh lai, Amah thangṭhat cu a ngol in kan ngolh lai lo. (Psam 34:1)

Zingka na thawh tikah zeidah Bawipa sinin naa ruahchan tawn?

Zei bia dah na chim hmasat bik tawn?

Na bia chim mi hna cu teinak, thluachuahnak bia hna an si maw?