Nawlngaihnak In Bawipa Dawtnak Langhter

1 Thesalon (1:4), U le nau hna, Pathian nih an dawt hna i amah mi si awkah an thim hna kha kan hngalh. 

Na kiangkap minung nih an in zoh tikah na nunnak chungah Bawipa nih an dawtnak an hmu kho maw? Bawipa nih an dawtnak ruangah na nunnak chungah aa thleng mi pakhat khat tal an hmu maw? Annih hi cu Bawipa zumtu a si tiin an in hngal kho maw? 

Peter Jesuh zultu a si an hngalhnak cu a awicawi in a si. Nang le keimah zong kan aw-aan le kan tuahsernak hna nih Bawipa dawtnak tehte hna cu an langhter tawn.  Kan nunnak nih a langhter awk i a biapi bik mi cu Pathian nih a kan dawtnak hi a si. Bawipa dawtnak nih cun kan nunnak a thlen. Bawipa dawtnak nih cun a kan thawnter tawn. Bawipa dawtnak nih cun sining thar pakhat ah a kan cawisan tawn. Bawipa dawtnak nih cun zungzal nunnak a kan pek. 

Nihin ah kan nih hna cu kan thinlung innka ong in, Bawipa dawtnak cu cohlan ve hna usih. Bawipa nih a kan dawt caah kan nih zong nih a nawl ngaihnak in kan dawtnak langhter  ve usih. 

Bawipa nih a kan dawt caah, thazang a kan pek zungzal caah, kan nunnak a kan thlen caah i lawm ko usih. Amah muisam keng kan si chinchin i kan dawtnak cu kan nunnak in a langhter kho tu kan si khawh nakhnga kan thinlung cu sersiam ko usih.