Thiangthlarau umnak hmun ah luatnak a um. Bawipa sinah in hmuh mi luatnak cu mi kip caah a si. Zei bantuk miphun na si kha a biapi lo. Zeibantuk nunphung le holh a ngei mi na si kha a biapi lo. Zeibantuk chungkhar in na rat timi zong a biapi lo. Bawipa nih Amah he nan i pehtlaihnak ding caah temtawntu thil vialte chungin luatter an duh.
Bawipa nih a liam in a liam in a thluachuah sung cu Amah a upat mi le Amah duh ning in a nung mi hna cu pek a duh zungzal hna. Cathiang chungah kan hmuh bantukin Judah Jentail ti a um ti lo. Nulepa thleidannak a um ti lo. Cu nih a langhter mi cu Bawipa nih na lenglei taksa pum sining in an pehtlai lo. Bawipa ni ha zoh mi cu na thinlung tu a si deuh. Amah nih na thinlung chung a chiah mi laksawng kha a zoh mi cu a si.
Mi dang hna le kan ral satan cu i hlenter ti hlah usih. Satan nih, "Bawipa nih mi dang vialte a dawt hna, sihmanhsehlaw nangmah cu an daw"tiah a kan hlen tawn. Cucu na thinlung chungah a chuah bal ahcun satan nih a ka hlen hi ta, tiah i fiang colh usih. Bawipa nih a kan pek mi thluachuah hna cu kawl colh uish. Amah nih a kan cohlannak, a kan dawtnak le luatnak a kan pek mi cungah Amah cu thangthat deuh usih. Amah upatnak caah kan thinlung cu timhtuah deuh u sih law, a thawng mi a kut kan nunnak chungah rian a tuan cu kan hmuh chinchin ko lai.
Bawipa cu thangthat si ko seh! Sunparnak vialte Bawipa caah si ko seh!
No comments:
Post a Comment