Tho tuah! Ni bang tlang tuah!

“Tho tuah ni bantuk in tlang tuah. Bawipa sunparnak cu na cungah a tlang” Isaiah (60:1) 

Bawipa nih kan i ruahchan mi lengin thil hi lengin pek a kan duh. Khuaruahhar a ṭhawnnak in kan caah  thil ṭha a kan chiahpiak zungzal. Kan chunmang chung hmanh ah kan manh bal lonak hmun le ram a kan hruaitu cu kan Pathian a si. Na ruahnak chung hmanh ah na umter khawh lomi hmun ram, dirhmun ah an cawisangtu, lam an hruaitu cu kan Pathian a si. A nung mi kan Pathian nih a sunparnak cu a mi hna cungah a tlanter zungzal.

Bawipa nih na cungah lungdong in a um bal lo. Na kaltaak cang mi na chunmang ropcaak mi hna cu a nunter ṭhan hna lai. Na hal khawh zat nakin tamdeuh, na chim khawh zat nakin tamdeuh, na ruah khawh zat nakin tamdeuh in, liam thliahmah in Bawipa nih thluachuahnak pek an duh. 

Na thinlung authawng theih khawh i zuam. Na thinlung muru ah Bawipa nih na sining mansung rothil a chiah. Lenglei in a ra mi thil hna ruangah lungdong in um hlah. Na thawh caan a si cang. Na tlan caan a si cang. Na thlaurau duhnak kawl khawh i zuam law, cu ṭhawnnak nih na nunnak cu hlawhtlinnak lei kap ah an hruai lai. 

“Vancung khua a um mi ka Pa, nihin ah ka thinlung innka ong in, toidornak he na sinah ka ra. Nangmah nih ni bangin a tlang mi nunnak ngei kho ding in na ka thim caah kaa lawm. Ka tho lai i, ka tlang lai. Ka tuah mi thil kip hi Nangmah sunparnak caah si dih ko hna seh. Jesuh khrih min in, Amen!”
---------------------------------------------------------------------------------------------------------