Luke 9:23 [ Cun annih cu an dihlak in a thawh hna i; Ahohmanh nih zulh nan ka duh ahcun mah zawnruahnak kha nan ngol lai i nifatin nan vailam kha nan i put lai i nan ka zulh lai.
Nifatin kan nunnak he ralchanh in thil buai tampi an rak chuak tawn. Cu vawlei cung thil hna nih Jesuh he kan i pehtlaihnak thinlung cu an kan thialpiak lengmang. Mi tampi tikah zarhte, zarhpi ah Biakinn pumh, mino pumh, nubu pumh ah kan kal kho. Zarhpi ni ah Bible kan rel. Hla kan sa, thla kan cam hna. Pathian lei ah kan i pe ngaingai ko tiah kan ruat i Pathian he kan i pehtlaihnak a fek ko tiah kan ruat tawn.
Sihmanhsehlaw zumtu hna nunnak cu zarhdongh caan i tuahsernak hna lawng kha an si lo. Zumtu nun timi cu nifatin in Jesuh khrih he pehtlaihnak i thim kha a si. Nifatin Amah he pehtlaihnak ngeih i amah lamhmuhsak ningin kal kha a si. Nikhat ah suimilam zeitluk dah Jesuh he caan kan hman. Amah nih caan hi a lakin a kan pek. Amah nih a kan pekcia mi caan chungah nikhat suimilam cheu (30mins) Amah caah kan hmang siang maw?
Liamcia caan ah zarh dongh lawngah Pathian he caan a hmang ti mi zumtu kan si kho men. Kan caah thawngtha cu atu hi caan a tlai rih lo. Zarhdongh lawng siloin, nifatin Jesuh he pehtlaihnak ngei dingin kan i thim kho rih. Nifatin Jesuh he caan hmangin, Amah a hnu zul in kal dingah kan i thim kho rih. Amah kan zulh ahcun kan ke kar hna cu Amah Jesuh nih a hruaimi an si cang. Nifatin Amah hnu zulh kan i thim tikah, kan hmai in harnak a kan petu ding thil vialte cu Jesuh nih kan hmai in a kan teipiak pah cang maw? Nang le kei cu Amah hnu kan zulhnak ah himnak kan hmu.
Nifatin Pathian caah nunkhawhnak kan ngeih mi cungah le Amah hnu zul in kal khawhnak caan kan ngeih mi cungah i lawm ko usih. Kan thinlung cu Pathian nih dap seh law, thil tha lo vialte cu kan thinlung in kan thialpiak ko seh. Kan thinlung cu Amah kong lawng ruat dingin i thim hna usih.
Nifatin Jesuh Hnu Zul Usih!
Sihmanhsehlaw zumtu hna nunnak cu zarhdongh caan i tuahsernak hna lawng kha an si lo. Zumtu nun timi cu nifatin in Jesuh khrih he pehtlaihnak i thim kha a si. Nifatin Amah he pehtlaihnak ngeih i amah lamhmuhsak ningin kal kha a si. Nikhat ah suimilam zeitluk dah Jesuh he caan kan hman. Amah nih caan hi a lakin a kan pek. Amah nih a kan pekcia mi caan chungah nikhat suimilam cheu (30mins) Amah caah kan hmang siang maw?
Liamcia caan ah zarh dongh lawngah Pathian he caan a hmang ti mi zumtu kan si kho men. Kan caah thawngtha cu atu hi caan a tlai rih lo. Zarhdongh lawng siloin, nifatin Jesuh he pehtlaihnak ngei dingin kan i thim kho rih. Nifatin Jesuh he caan hmangin, Amah a hnu zul in kal dingah kan i thim kho rih. Amah kan zulh ahcun kan ke kar hna cu Amah Jesuh nih a hruaimi an si cang. Nifatin Amah hnu zulh kan i thim tikah, kan hmai in harnak a kan petu ding thil vialte cu Jesuh nih kan hmai in a kan teipiak pah cang maw? Nang le kei cu Amah hnu kan zulhnak ah himnak kan hmu.
Nifatin Pathian caah nunkhawhnak kan ngeih mi cungah le Amah hnu zul in kal khawhnak caan kan ngeih mi cungah i lawm ko usih. Kan thinlung cu Pathian nih dap seh law, thil tha lo vialte cu kan thinlung in kan thialpiak ko seh. Kan thinlung cu Amah kong lawng ruat dingin i thim hna usih.
Nifatin Jesuh Hnu Zul Usih!
No comments:
Post a Comment