ZEIDAH THLEN NA HERH?

"Hi vawlei kal ning hin kal lengmang ti hlah uh, sihmanhsehlaw chunglei in Pathian nih nan lungthin kha a dihumnak in in thleng hna seh. Cu tikah a tha mi thil le Pathian nih a lawmhmi thil le a tling mi thil kha nan hngalh khawh lai, cucu Pathian duh mi a si." - Rom 12:2.

Hlawhtlinnak he kan nun khawh nakding ah kan ruahnak ka thlen awk tete a um. Thil hme an si tiah kan ti ko nain thawnnak a ngei tuk mi an si.  "Ka tuah kho lo" timi cu " Ka tuah kho" timi ruahnak in thlenpiak a herh. " A si kho bal lai lo" timi in " A si hrimhrim lai" timi ah thleng kan herh. Cu bantukin " Ka dam kho bal ti lai lo" timi in " Bawipa nih ka ngandamnak a ka pek than lai", " Hi tlang hi ka lawnh kho bal lai lo" timi in "Bawipa cu a ka hupphengtu a si", " Ka sualnak le ka palhnak a tam tuk" timi " ka palhnak cu ngaihthiam ka si. Keimah zong kaa ngaihthiam ve awk a si" tiin kan ruahnak le kan bia kan thlen a herh. Kan ni le caan tha bik hna nih an kan hngah ko. 

Zeitluk a ropcaak mi nunnak na si zongah a poi lo. Mi dang nih " No" an in ti zongah a poi lo. Bawipa nih " A za cang. A dih cang!" a ti hlan cu an dih rih lo. Bawipa nih thiltha an pek ding mi tampi a taang rih. Cu laksawng le thluachuah kan co khawh nakding ah i hrimthan kan herh.  Ka thinlung kan thlennak in kan nunnak hi Bawipa nih thlen a kan duh.