Dawtnak cu Tuahsernak In A Langh Awk A Si

1 John (3:17) : [Mi pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai? Ka fale hna, kan i dawtnak hi hmur le kaa lawngin a si awk a si lo, dawtnak taktak, thil tinak ah a lang mi dawtnak in a si awk a si]

Nihin kan i dawtnak hi zeibantuk dawtnak dah a si? 

Nangmah le keimah cu hi vawlei cungah Jesuh khrih kutke kan si. Jesuh khrih ai-awhtu kan si. Nihin Bawipa nih  thluachuahnak pek a kan duh. Cucu midang caah thluachuah petu kan si nakhnga caah a si. Kan nunnak chungin riantuan a duh. Cucu midang nih Pathian dawtnak le zangfahnak an hngalh khawh nakhnga caah a si. 

1 Jonh (3:17) nih cun, "Dawtnak cu chimnak le ruahnak lawnglawng in a si lo, tuahsernak tu in a si deuh"timi a langhter. Dawtnak cu kut samh i midang herhnak ah hei phak khawh khi a si. A chel ahcun midang nih an herh mi cu mithmai panh tein biakchawnhnak, panh sirsiar in mirhnak hna an si ko lai. Na sinin thazang peknak bia an herh mi zong a si ko lai.  Pathian nih a kan dawtnak hi lam tampi in langhter khawh a si. Inn man le meiman a pe kho lomi hna na innpa ah an um tikah na pekpiak kho hna maw? Rawl tam mi na hmuh tik hna ah rawl na cawkpiak kho hna maw? Khuasik mi na hmuh tik hna ah fenh-aih na pe kho hna maw? Thilrit chaan a herh mi na hmuh tik hna ah na chaang kho hna maw? 

Minung hna nih ngaichihnak kan ngeihkhawhnak a ruangah cu Jesuh nih a kan dawtnak le zangfah kan tinconak thawngin a si. Cu bantuk in Pathian nih an pek mi zangfahnak cu midang, na pawngkam minung sinah pe ve seh i an duh piak. Na nunnak chung hin Pathian nih a dawtnak le zangfahnak vawlei sinah langhter a duh ve. 

Kan um innchung in chuak hna uh sih law, midang sinah dawtnak thlaici tuh hna usih. Pathian nih a kan kamh mi cu dawtnak thlaici kan tuh mi hna cu kan nunnak theipar zuun caan an phan cio te hi a si.  Nihin ni in dawtnak midang herhnak chambaunak ah dawtnak thlaici a tuh khotu nunnak a ngei mi kan si khawh nakhnga thlacamnak he i zuam cio usih. 

"Vancung khua a um mi kan Pa, ka nunnak ah thluachuahnak a ka petu na kut thiang cungah kaa lawm. Nihin ah ka nunnak chungin riantuan dingin na ka thim caah kaa lawm. Ka sining le ka zeizong Nangmah sinah kan chap. Zeitindah midang caah thluachuah ka si khawh lai timi ka cawnpiak law, lam ka hmuh sak ko, Cu ticun vawlei cu na dawtnak le sunparnak nih a khah khawh nakding ah Khrih Jesuh min in thla ka cam"

Amen!