TU NI - KHI NI

Joshua 4:14 [ Khi ni ah Bawipa nih Joshua cu Israel mi vialte hmai ah a hlorh i Moses an rak tihzah bantuk khan amah cu a chan chung vialte an tihza ve] 

Joshua (3;7) chungah Bawipa nih Joshua cu a chawnh i "Nihin ahhin nangmah cu Israel mi vilte mithmuh ah hlorh hram kan thawk lai"tiah a ti. Hi Pathian nih Joshua sinah bia a kam mi hi duh a nung hringhran. Hi Pathian biakamnak cu NIHIN ah Pathian nih an kamh mi a si. Voi tampi cu Bible ca na rel ko nain, keimah caah a si tiah na zum lo. Joshua caah a si. Moses caah a si tiah na zumh peng tikah Pathian thawnnak cu na nunchung ah rian a tuan kho lo. 

NIHIN ah Bawpa nih a zangfahnak, a thluachuah le thancho hna pek ding ah aa thok cang. Pathian nih a rian a thok cang. Nangmah cu Nihin ah hlorh hram an  thok cang. Sihmanhsehlaw kan philh lo ding mi Bawipa nih a rian a thok cang, asinain KHI NI caan cu Bawipa nih a hngalh. 

Nihin Joshua (3:7) chung bantuk in Pathian nih: 

Nihin ah nangmah cu hlorh hram kaa thok cang.

NIhin ah nangmah cu hringtu nu/pa tha ah ser hram kan thok cang.

Nihin ah nangmah cu va/nupitha ah ser hram kan thok cang.

Nihin ah nangmah cu hruaitu tha ah hlorh hram kan thok cang. 

Nihin ah nangmah cu hawikom tha siding ah cawisan hram kan thok cang.

Nihin ah nangmah cu chawkawlthiam mi siding ah cawisan hram kan thokcang.

Nihin ah nangmah cu na phaknak hmun kipah mithmai tha hmu ding ah hlorh hram kan thok cang, tiin Pathian nih bia a kan kamhnak a langhter mi a si. 

Bawipa nih innka a on tikah mizei hmanh nih an khar kho ti lo. 

Biahalnak a um mi cu- cu Pathian nih na nunnak chung i a rian a thok mi vialte cungah "Timh cia in na um cang maw?" Nan nunnak ah innkhaan a lawng mi a um maw? NIHIN ah Pathian nih a rian a thok cang. KHI NI ah Joshua cu Pathian nih a hlorh bantukin nang le kei zong a kan hlorh ve lai. Pathian nih kan caah khuaruahhar thil a timh mi a um. Pathian nih nihin ah a rian a thok cang.

Nihin ah Pathian cu lawm ko usih. Amah he aa tlak mi sunparnak le upatnak vialte cu pe ko usih. Kan cungah a zangfahnak le thluachuahnak ruahpi bang a surternak cungah lawmh ko usih. Kan thinlung innka cu kau chin in ong usih law, Kan thinlung chungah hmunhma kauchin in serpiak ko hna usih.  

KHI NI- Pathian a kan hlorh caan ra lio!