Kan Thilrit Chaangtu Pathian

“Ni khat hnu ni khat kan thilrit a kan changtu Bawipa cu thangṭhat ko u, Amah cu a kan khamhtu Pathian a si”Psalm (68:19).

Bawi cu kan nunnak in kan upat tikah, Bawipa bia hna cu ka ngaih tikah, kan thinlungput hna cu Bawipa lung a tong mi an si tikah, Pathian thluachuahnak nih kan kalnak hmunkip ah a kan zulh peng lai, tiah cathiang nih a kan cawnpiak. Bawipa ṭhatnak nih an dihtak lai lo. Bawipa ṭhatnak cu na tliktaak kho lai lo. Nifatin kan thilrit a kan changtu cu Bawipa a si. Kan sinah a kal zungzal. Kan tuah mi thil kip Amah hmaika ah an si. Kanmah le kanmah kan i hlen khawh lo bantuk in Bawipa cu na hleng kho lo. Zeicatiah Amah nih a thlarau cu na chungah a chiah. Thil ṭha siseh, thil ṭha lo siseh, na tuah mi tkip cungah le tuah dingin na lung an thawhtertu ruahnak vialte cu Bawipa nih a hngalh dih.

Mi tampi cu lungbuai in kan um tawn. Zeicatiah Pathian a kawltu thinlungput ngei loin, thluachuah a kawltu thinlung kan ngei. Sihmanhsehlaw Pathian cu hmasat bik ah kan chiah tikah thluachuahnak cu kanmah nih kawl hau loin, thluachuahtu nih a kan zulh tawn. Pathian lunglawmhternak cu kan duhnak hmasat bik ah kan chiah tikah, Bawipa nih kan thilrit vialte cu a kan chan i, a ṭhatnak le a dawtnak nih nifatin a kan um pi zungzal.

“Ka Pa, ka nunnak second ṭem in Nangmah cu kan pek. Nangmah upatnak he ka nun khawh nakding ah ka bawm ko. Nifatin ka thilrit na ka chaan zungzal caah kaa lawm. Ka tuah mi thilkip cungah- Nangmah cu pakhatnak ah kan chiah. Jesuh min in thla cam”Amen!