Kum (70)nak Chin National Day Lawmhnak Singapore- 2018

Kum (70)nak Chin National Day lawmhnak cu Singapore ah a um mi Chin miphun hna zong timhtuahnak an ngei ve. Cuka ahcun Singapore ah fimcawnnak lei in hlawhtlinnak a hmu hna laksawng peknak, 2018 kum caah hruaitu thimnak, Chin National Day kong chimnak te hna a um lai tiah theih a si. Cu hnu ah Chin Nunphung laam le Kawlram lei in hlasak thiam sawm mi hna nih hlasak nakin caan an kan hman pi te lai, tiah theih a si.


Kum dang he aa dannak cu Chin National Day kong chimnak te a um lai tiah theih a si. Kum dang slide lawngin power point in a kan piahpiak tawn. Chin National Day kong tuanbia harnak le thatnak, a biapitnak kong chimrelnak a um bal lo. Chin Miphun caah siseh, India Chin (Mizo) hna caah Feb 20 hi zeitluk indah a sunlawi timi hi thangthar mino hna nih kan philh lo nakding le kan hngalh zungzal dingah kan i chimh zungzal a herh. Cucu tukum ah kan hruaitu upa hna nih tenhchih an i timh tikah i ngaih a um hringhran.

Hlasak an sawm mi hna cu Falam Christian Fellowship Singapore (FCFS) in Mai Kimmy, Mizo Christian Fellowship SIngapore (MCFS) in Lalpanliani @ Pantei le Lai Christian Fellowship Singapore (LCFS) in Van Siang Mang an si hna lai. V

Atu lio Chin Christian Fellowship Singapore hruaitu cu Pu San Thang (Chairman) le Pu Rih Lian (Secretary) an si.

Chin National Day tuahnak hmun le caan hna cu a tanglei bantuk in a si lai.

A hmun: Cultural Centre Auditorium
               St. Andrew Junior College 
               5 Sorby Adams Drive
               (Near Potong Pasir MRT)
               Singapore 357691

Nithla : 18 February 2018

A caan: 12:00 p.m - 04:00 p.m

Singapore ram ah a um mi Myanmar Embassy hna sawm an si tiah tiah a si. Chin National Day cu February 20 a si. Sihmanhsehlaw kan umnak kan ram dirhmun nih a kan pek deuh lo caah Feb 18 ah tuahnak a si.